Türkmenistanyň Prezidentiniň 01.07.2021 senedäki 2300 belgili we 28.04.2022 senedäki 77 belgili kararlaryna laýyklykda, Türkmenistanyň daşary ýurtlarda wagtlaýyn ýa-da hemişelik ýaşaýan raýatlarynyň 2020-nji ýylyň 1-nji ýanwaryndan 2024-nji ýylyň 30-njy dekabry aralygynda möhleti dolan ýa-da dolýan Türkmenistandan gitmek we Türkmenistana girmek üçin pasportlary 2024-nji ýylyň 31-nji dekabryna çenli uzaldyldy.

Şunuň bilen baglylykda, Türkmenistanyň raýatlarynyň ýüz tutmagy esasynda, Türkmenistanyň Ýaponiýadaky Ilçihanasy tarapyndan olaryň pasportlaryna QR kody we pasportyň 2024-nji ýylyň 31-nji dekabryna çenli uzaldylandygy barada bellik goýulýar.

Munuň üçin Türkmenistanyň raýatlary Ilçihananyň konsullyk bölümine ýüz tutmalydyrlar.

Agzalan hereketi ýerine ýetirmek üçin Ilçihana indiki resminamalary tabşyrmaly we konsullyk hasabyna duran bolmaly:

1. Arza bellenilen nusgada

2. Anketa elektron görnüşinde USB diskinde (fleş diskde) we nusga boýunça çap edilen görnüşinde.

3. Daşary ýurt pasportynyň birinji sahypasynyň göçürmesi;

4. Surat 3x4 ululykdaky, reňkli, “jpg” formatda elektron USB-diskde (fleş diskde) we çap edilen görnüşde - 2 sany.

Pasportyň möhletiniň uzaldylandygy baradaky bellik tölegsiz ýerine ýetirilýär.