Türkmenistanyň Ýaponiýadaky Ilçisiniň Ýaponiýanyň Içeri işler we kommunikasiýa boýunça ministriniň orunbasary bilen duşuşygy geçirildi

2022-nji ýylyň 19-njy awgustynda Türkmenistanyň Ýaponiýadaky Ilçihanasynyň binasynda Türkmenistanyň Ýaponiýadaky Ilçisi Atadurdy Baýramow bilen Ýaponiýanyň Içeri işler we kommunikasiýa boýunça ministriniň orunbasary Ýoşida Hiroşiniň arasynda duşuşyk geçirildi.

Agzalan duşuşykda taraplar oba hojalyk, lukmançylyk we senagatyň beýleki pudaklaryna sanly tehnologiýalary ornaşdyrmak boýunça hyzmatdaşlyk etmegiň mümkinçiliklerini ara alyp maslahatlaşdylar.

Şeýle hem, duşuşygyň dowamynda taraplar agzalan ugurlarda hünärmenleri taýýarlamak we halkara guramalarynyň çäklerinde hyzmatdaşlyk etmek barada pikir alyşdylar.