ÝAPONIÝANYŇ PARLAMENTINDE MERKEZI AZIÝA ÝURTLARYNYŇ ILÇILERI BILEN MASLAHAT GEÇIRILDI

Ýaponiýanyň Parlamentiniň Wekiller palatasynyň başlangyjy esasynda 2022-nji ýylyň 24-nji noýabrynda bu ýurduň Parlamentiniň binasynda Merkezi Aziýa döwletleriniň Ýaponiýadaky Ilçileri bilen Ýaponiýanyň Parlamentiniň Merkezi Aziýa ýurtlary boýunça dostluk toparlarynyň başlyklarynyň arasynda maslahat geçirildi.

Maslahatyň dowamynda Ýaponiýanyň we Merkezi Aziýa ýurtlarynyň Parlamentara assambleýasynyň döredilmegi bilen bagly meseleler ara alnyp maslahatlaşyldy.

Maslahata gatnaşyjylar Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedowyň 2022-nji ýylyň sentýabr aýynda Ýaponiýa amala aşyran saparynyň çäklerinde 2023-nji ýylda Aşgabat şäherinde Merkezi Aziýa döwletleriniň we Ýaponiýanyň Birinji Parlamentara forumyny geçirmek boýunça başlangyjyny goldap uly kanagatlanma bilen bellediler.