TÜRKMENISTANYŇ ÝAPONIÝADAKY ILÇISINIŇ FILIPPINLER RESPUBLIKASYNYŇ ILÇISI BILEN DUŞUŞYGY GEÇIRILDI

2023-nji ýylyň 12-nji ýanwarynda Türkmenistanyň Ýaponiýadaky Ilçisi Atadurdy Baýramow bilen Filippinler Respublikasynyň Ýaponiýadaky Ilçisi Milen Garsia Albanonyň arasynda duşuşyk geçirildi.

Duşuşykda ikitaraplaýyn we köptaraplaýyn hyzmatdaşlygyň dürli ugurlaryndaky gatnaşyklary pugtalandyrmak meselelerine garaldy.

Taraplar ikitaraplaýyn saparlar görnüşinde-de, köptaraplaýyn hyzmatdaşlygyň çäklerinde aragatnaşyklary ýokary derejede saklamagyň möhümdigini aýtdylar.

Diplomatlar şeýle hem iki ýurduň daşary syýasy edaralarynyň arasyndaky gatnaşyklaryň artmagynyň maksadalaýykdygyny bellediler.

Duşuşykda ilçi Milen Garsia Albano türkmen-filippin gatnaşyklaryny has-da giňeltmek we berkitmek üçin ähli tagallalary etjekdigini aýtdy.