TÜRKMENISTANYŇ ÝAPONIÝADAKY ILÇISINIŇ YKDYSADY HYZMATDAŞLYK BOÝUNÇA ÝAPON-TÜRKMEN KOMITETINIŇ BAŞLYGY BILEN DUŞUŞYGY GEÇIRILDI

2023-nji ýylyň 31-nji ýanwarynda Türkmenistanyň Ýaponiýadaky Ilçisi Atadurdy Baýramowyň Ykdysady hyzmatdaşlyk boýunça Ýapon-Türkmen komitetiniň başlygy Hiroýuki Tsubaý bilen duşuşygy geçirildi.

Duşuşykda taraplar Ykdysady hyzmatdaşlyk boýunça türkmen-ýapon we ýapon-türkmen komitetleriň bilelikdäki 14-nji mejlisiniň jemleri boýunça gazanylan ylalaşyklary ýerine ýetirmek bilen bagly meseleleri ara alyp maslahatlaşdylar.

Şeýle hem, duşuşygyň dowamynda Ykdysady hyzmatdaşlyk boýunça türkmen-ýapon we ýapon-türkmen komitetleriniň bilelikdäki 15-nji mejlisini Aşgabat şäherinde geçirmek, Arkadag şäheriniň açylyşy bilen bagly geçiriljek çärelere gatnaşmak mümkinçilikleri we Türkmenistan bilen Ýaponiýanyň arasynda göni howa gatnawyny açmakda ýardam bermek ýaly meseleler ara alnyp maslahatlaşyldy.