TÜRKMENISTAN WE ÝAPONIÝA MEDENI-YNSANPERWER GATNAŞYKLARYNY ÖSDÜRÝÄRLER

2023-nji ýylyň 5-nji aprelinde Türkmenistanyň Ýaponiýadaky Ilçisi A.Baýramow bilen Ýaponiýanyň “Min-On” konsertleri we dabaralary guramak boýunça assosiasiýasynyň prezidenti K.Itonyň arasynda duşuşyk geçirildi.

Taraplar medeni-ynsanperwer ugruň, iki halkyň medeniýetinde ýakyn özara gatnaşygy bolan türkmen-ýapon doganlyk gatnaşyklarynyň aýrylmaz bölegi bolup durýandygyny kanagatlanma bilen bellediler.

Söhbetdeşligiň barşynda Türkmenistanyň Ýaponiýadaky Ilçisi Türkmenistan bilen Ýaponiýanyň arasyndaky hyzmatdaşlygyň ähli ugurlarda, hususan-da medeni we ynsanperwer ugurlarda ösýändigi barada belledi.

Duşuşygyň dowamynda medeniýet, aýdym-saz we sungat ugurlarynda hyzmatdaşlygy mundan beýläk-de ösdürmek boýunça netijeli pikir alyşmalar boldy.