Türkmenistanda ýapon filmleriniň 7-nji festiwaly geçiriler

Türkmenistanda ýapon filmleriniň 7-nji festiwaly geçiriler. Türkmenistanlylary Günüň dogýan ýurdy, onuň medeniýetiniň özboluşlylygy bilen tanyşdyrmaga gönükdirilen festiwal 15-17-nji dekabr aralygynda paýtagtymyzyň «Aşgabat» kinoteatrynda geçiriler.

Ondan soň Türkmenbaşy şäheriniň ýaşaýjylary 23-nji dekabrda görkeziljek ýapon kinofilmlerine tomaşa edip bilerler. Tomaşaçylara şu filmler hödürlener:

«Asman restorany» filminde wakalar Ýaponiýanyň demirgazygyndaky Hokkaýdo adasynda bolup geçýär. Onda datly ýapon tagamlaryna muşdak adamlaryň hyjuwy hakda gürrüň edilýär.

«Diňe pişik bilýär» atly filmde garry är-aýalyň durmuşy arkaly ýapon maşgalasy hakda täsirli gürrüň berilýär.

«Režissýor Takesi Ýasironyň animasiýalar ýygyndysy» atly dört bölümden ybarat ajaýyp animasiýa filmine ata-eneler çagalary bilen bilelikde tomaşa edip bilerler.