Governor of Tokyo congratulated 140th anniversary of Ashgabat

Onuň Alyhezreti, Türkmenistanyň Prezidenti Gurbanguly Berdimuhamedow, ähli Türkmen halky Salam! Men Ýaponiýanyň Tokio şäheriniň gubernatory Ýuriko Koýke.

Türkmenistanyň şanly Garaşsyzlygynyň 30 ýyllygy, Aşgabat şäheriniň döredilmeginiň 140 ýyllygy mynasybetli Tokio şäheriniň ähli ýaşaýjylarynyň adyndan çyn ýürekden mähirli gutlaýaryn.

Şeýle hem, geçen ýyl Türkmenistanyň hemişelik Bitaraplygynyň şanly 25 ýyllygy dabaraly garşylandy. Uzak ýyllaryň dowamynda halkara jemgyýetçiliginiň parahatçylygyna we ösüşine goşan goşandy üçin hormatymy bildirýärin.

Ýaponiýa bilen Türkmenistan geografiki taýdan uzakda ýerleşýän hem bolsa, Beýik Ýüpek Ýolunyň üsti bilen birigip, gadymy döwürlerden gaýtýan baglanyşygy bar.

Gadymy Merwden başlaýan taryhy ýadygärlikleriň, däp-dessurlaryň biri-birinden gözel ýerleşen “Ak mermer” Aşgabat şäheriniň binalary bilen sazlaşygy, täzeçillik bilen däp-dessury baglanyşdyrýan özüne çekijiligi bolup, Tokio şäheri bilen Aşgabat şäheriniň hem özboluşly baglanşygynyň bardygy duýulýar.

Men Ýaponiýanyň Parlamentiniň deputaty bolup işlän döwrümde ýapon-türkmen dostlukly gatnaşyklary guramak we ösdürmek üçin ähli tagallalary etdim.

20 ýyl mundan ozal, Siziň ýurduňyza saparda bolan wagtym, mähirli myhmansöýerlik bilen garşy alyndym. Häzirki wagt hem bu ajaýyp duýgulary mähirli ýatlaýaryn.

Tokio şäheriniň häkimi wezipesine bellenelim bäri, 2019-njy ýylyň oktýabr aýynda Aşgabat şäheriniň häkimi bilen Tokio şäherinde duşuşmak pursatyna eýe boldum. Häzir hem bu duşuşugymy mähirli ýatlaýaryn.

Geljek ýyl Ýaponiýa bilen Türkmenistan diplomatik gatnaşyklarynyň ýola goýulmagynyň şanly 30 ýyllygyny garşylaýar. Men hem gelejekde, şäherleriň arasyndaky hyzmatdaşlygy ösdürmek arkaly, iki ýurduň dostlukly gatnaşyklarynyň pugtalanmagyna goşant goşup bileris diýip umyt edýäris.

Tokio 2020 Olimpiýa oýunlarynyň başlanmagyna sanlyja 2 aý töweregi wagt galdy. Bu Olimpiýa oýunlarynyň bütin dünýädäki adamlar üçin umyt şöhlelenmesiniň bolmagy üçin ähli taýýarlyklary tamamlaýjy tapgyrda güýçli depginde alyp barýarys we üstünlikli tamamlarys. Biz Olimpiýa oýunlaryna Türkmenistanyň milli ýygyndysynyň gatnaşmagyny tüýs ýürekden garşylaýarys we oýunlarda uly üstünlik arzuw edýäris.

Sözümiň ahyrynda Türkmenistanyň Garaşsyzlygynyň şanly 30 ýyllygy, paýtagt Aşgabat şäheriniň döredilmegiň 140 ýyllygy mynasybetli ýene bir gezek mähirli gutlaýaryn! Ähli türkmen halkyna ösüş we rowaçlyk arzuw edýärin!