TOKIODA TÜRKMENISTANYŇ PREZIDENTINIŇ SAÝLAWLARYNA BAGYŞLANAN BRIFING GEÇIRILDI

2022-nji ýylyň 9-njy martynda Türkmenistanyň Ýaponiýadaky Ilçihanasynyň binasynda Türkmenistanyň Prezidentiniň saýlawlaryna bagyşlanan brifing geçirildi.

Çärä Türkmenistanyň Ýaponiýadaky Ilçihanasynyň diplomatlary, şeýle hem bu ýurtda okaýan türkmen talyplary we türkmenistanly raýatlar gatnaşdylar.

Türkmenistanyň Ýaponiýadaky Adatdan daşary we Doly ygtyýarly Ilçisi G.Elýasow brifingde çykyş edip, ýurdumyzda möhüm syýasy waka bolan Türkmenistanyň ählihalk Prezident saýlawlarynyň açyk we demokratik ýagdaýda, halkara-hukuk we milli kanunçylygyň talaplaryna doly laýyklykda şu ýylyň 12-nji martynda geçirilýandigi barada giňişleýin gürrüň berdi.

Şeýle hem, Ilçi G.Elýasow Türkmenistanyň iň ýokary döwlet wezipesine dalaşgärler bilen tanyşdyryp, ýurduň çäginde we daşary ýurtlarda ýerleşýän diplomatik wekilhanalarynda bu möhüm çäräni guramaçylykly geçirmek bilen bagly düýpli taýýarlyk işleriniň alnyp barylýandygy barada belläp geçdi.