TÜRKMENISTANYŇ ÝAPONIÝADAKY ILÇIHANASY SPORT ÇÄRESINI GEÇIRDI

2022-nji ýylyň 8-nji aprelinde Ýaponiýanyň Hadano şäherindäki “One Park” seýilgähiniň sport meýdançasynda, Bütindünýä saglyk gününe bagyşlanyp, şeýle hem Türkmenistan bilen Ýaponiýanyň arasynda diplomatik gatnaşyklarynyň ýola goýulmagynyň 30 ýyllygy mynasybetli geçirilýän medeni çäreleriň çäklerinde Türkmenistanyň Ýaponiýadaky Ilçihanasy tarapyndan bu ýurtda bilim alýan türkmenistanly talyplardan we ýapon raýatlaryndan düzülen toparlaryň arasynda dostluk futbol ýaryşy geçirildi.

Agzalan sport çäresi ýurdumyz tarapyndan öňe sürülýän sagdyn durmuş ýörelgelerinden ugur alnyp, ýaşlaryň arasynda bedenterbiýe hem-de sport bilen yzygiderli meşgullanmagy wagyz etmek boýunça alnyp barylýan işleriň çäklerinde gurnaldy.