TÜRKMEN-ÝAPON DIPLOMATIK GATNAŞYKLARYNYŇ ÝOLA GOÝULMAGYNYŇ 30 ÝYLLYGY MYNASYBETLI ÝAPONIÝANYŇ DIM-NDE DUŞUŞYK

2022-nji ýylyň 22-nji aprelinde Ýaponiýanyň Daşary işler ministrliginde Türkmenistanyň Adatdan daşary we Doly ygtyýarly Ilçisi G.Elýasow bilen Ýaponiýanyň Parlament işleri boýunça Daşary işler ministriniň orunbasary T.Hondanyň arasynda duşuşyk geçirildi.

Duşuşygyň başynda taraplar türkmen-ýapon diplomatik gatnaşyklarynyň 30 ýyllygy mynasybetli Türkmenistanyň we Ýaponiýanyň Döwlet Baştutanlaryndan, şeýle hem Daşary işler ministrlikleriniň ýolbaşçylaryndan gutlag hatyny alyşdylar.

Diplomatlar, şeýle hem, yzygiderli aragatnaşyklar we birnäçe bilelikdäki taslamalaryň durmuşa geçirilmegi netijesinde ikitaraplaýyn hyzmatdaşlygyň, birek-birege ynam we hormat goýmak ýörelgelerine esaslanýan ikitaraplaýyn hyzmatdaşlygyň düýbünden täze derejä ýetendigi bilen baglanyşykly möhüm meseleleri ara alyp maslahatlaşdylar.

Ykdysady, syýasy, diplomatik, medeni, gumanitar we beýleki ugurlarda özara peýdaly hyzmatdaşlygy netijeli giňeltmäge gönükdirilen indiki hereketler barada hem taraplaryň arasynda pikir alyşmak geçirildi.

Şeýle hem şol gün, Aşgabatda diplomatik gatnaşyklaryň 30 ýyllygy mynasybetli diplomatlar Türkmenistanyň we Ýaponiýanyň döwlet baştutanlaryndan, şeýle hem iki ýurduň Daşary işler ministrlikleriniň ýolbaşçylaryndan gutlag hatyny alyşdylar.