Ýaponiýanyň Dostluk alyş-çalşygy boýunça halkara geňeşiniň ýolbaşçylary bilen duşuşyk geçirildi

2024-nji ýylyň 17-nji ýanwarynda Türkmenistanyň Ýaponiýadaky Ilçisi Atadurdy Baýramow bilen Dostluk alyş-çalşygy boýunça halkara geňeşiniň direktory Hiroýuki Ýuşitanyň arasynda duşuşyk geçirildi.

Duşuşygyň dowamynda Türkmenistanyň Ýaponiýadaky Ilçihanasy bilen Dostluk alyş-çalşygy boýunça halkara geňeşiniň arasynda hyzmatdaşlygy ýola goýmagyň mümkinçilikleri ara alnyp maslahatlaşyldy.

Bu babatda,  Türkmenistanyň Ýaponiýadaky Ilçisiniň Ýaponiýanyň Dostluk alyş-çalşygy boýunça halkara geňeşiniň alyp barýan işlerine “hormatly agza” hökmünde gatnaşmagy boýunça pikir alşyldy.

Ilçi A.Baýramow 2025-nji ýylyň “Halkara parahatçylyk we ynanyşmak ýyly” diýlip yglan edilendigini bellemek bilen, agzalan geňeşiň çäklerinde bu şygara bagyşlap birnäçe çäreleriň geçirilmeginiň maksadalaýyk boljakdygyny nygtady.