TOKIODA DIPLOMATIK GATNAŞYKLARYŇ 30 ÝYLLYGY MYNASYBETLI SERGI GEÇIRILDI

2022-nji ýylyň 12-nji martynda Merkezi Aziýa ýurtlary bilen Ýaponiýanyň arasynda diplomatik gatnaşyklaryň ýola goýulmagynyň 30 ýyllygy mynasybetli Ýaponiýanyň Daşary işler ministrligi we Merkezi Aziýa ýurtlarynyň ýaponiýadaky Ilçihanalarynyň bilelikde gurnamagynda 10 günlük sergi öz işine başlady.

2022-nji ýylyň 14-nji martynda ýokarda agzalan serginiň çäginde Türkmenistanyň ilçihanasy "Türkmen-Ýapon dostlugy" ady bilen medeni çäre geçirdi. Çäräniň dowamynda ýapon medeni işgärleri, sergä gatnaşyjylar Garaşsyz, Hemişelik Bitarap Türkmenistan, onuň dünýä jemgyýetinde tutýan orny we ähmiýeti, 30 ýylyň dowamynda türkmen-ýapon dostlukly gatnaşyklarynda gazanylan üstünlikler, türkmeniň medeni mirasy, däp-dessurlary, milli geýimleri hakynda giňden tanyşdyryldy.

Çärä gatnaşyjylarda ÝUNESKO-nyň Adamzadyň maddy däl medeni mirasynyň sanawyna girizilen türkmen milli halyçylyk sungaty we ÝUNESKO-nyň maddy däl medeni mirasynyň Reprezentiw sanawyna girizilen Türkmen Milli aýdym aýtmagyň we tans etmegiň “Küşdepdi”milli sungaty barada edilen çykyşlar uly täsir galdyrdy.