“Toyo Engineering Corporation” Gyyanlydaky zawody giň gerimli döwrebaplaşdyrmagy amala aşyrar

Ýaponiýanyň «Toyo Engineering Corporation» kompaniýasy Türkmenistandaky Gyyanly Polimer zawodyny giň gerimli döwrebaplaşdyrmak işlerine başlady. Bu barada «Ak şäher Aşgabat» maslahatynda «Toyo Engineering Corporation» kompaniýasynyň Türkmenistandaky wekilhanasynyň direktory Tetsuji Miýazaki habar berdi.

Taslama iki tapgyrda amala aşyrylýar. Birinji tapgyrda kompaniýa inženerçilik işlerini ýerine ýetirer, gözegçilik işlerini geçirer, könelen enjamlary doly çalyşmak üçin enjamlary satyn alar we söküş işlerini amala aşyrar. Ikinji tapgyr tehnologik meseleleriň çözülmegini we döwrebaplaşdyrylan önümçiligiň işe girizilmegini göz öňünde tutýar.

Miýazaki geçen ýyl «Toyo Engineering Corporation» kompaniýasynyň prezidentiniň Türkmenistanyň Baştutany bilen iki gezek duşuşandygyny, şol duşuşyklarda taraplaryň hyzmatdaşlygyň geljegini ara alyp maslahatlaşandygyny aýtdy. 1961-nji ýylda döredilen kompaniýa 60 ýurtda 1000-den gowrak taslamany durmuşa geçirdi, şol sanda 49 etilen toplumyny we 36 polimer zawodyny amala aşyrdy.

Kompaniýanyň wekili Türkmenistanyň «Toyo Engineering Corporation» kompaniýasynyň ösüşiniň esasy ugurlarynyň biri bolup durýandygyny nygtady. Kompaniýa tehniki-ykdysady esaslandyrmadan başlap, ulanyş we tehniki hyzmatlara çenli taslamalaryň doly goldawyny hödürleýär.